【逃恥新春講肺炎 跌破小粉紅玻璃心】 (順道談東京疫情)
《逃避雖可恥但有用》年初特別篇膽敢用「中國武漢發生的新冠肺炎」展開後段故事，小粉紅又不知要跌破幾多玻璃心，本身結衣BB一旦結婚已經講緊IFC條龍排到落地，股市會大跌，搞到咁唔政治正確，希望小粉紅FANS唔好太激動。
成套特別篇講兩夫妻有左點樣走過生仔的過程。極度抗拒小朋友的我好像看恐怖片一樣，不過後段一下轉折就講剛剛生左就面對疫情挑戰，要帶埋個女番老家暫避，引起大家呢一年的共鳴，各位有看的朋友或許都很有代入感。我完全錯重點──一路睇一路諗難怪東京疫情咁嚴重，想借套劇講下東京疫情下的鹽對應。
兩夫婦好驚傳染比細路，掂都唔敢比人掂，放工番黎要沖晒涼先敢湊女，去到老家見到兩母女係公園玩，都唔敢落車見面，擺低野就走。套劇好想描畫肺炎疫情下，面對未知的病毒好多人手足無措，但見都唔敢，「嘩，駛唔駛咁overreact」，的確：
－香港大致都追蹤到源頭，不斷搞檢測清零，東京唔係無群組，但報導唔全面，檢測更加唔成風氣，而且太多個案，出街已經高風險，緊密接觸更高風險；
－阿爸仲要番公司，唔係無work from home，係社會總有好奇怪的風氣覺得要見下面，online上堂要搞下面授；外出自肅又搞go to消費活動；可想而知不必然鼓勵你留家工作。除左緊急令果排，之後都一路爭持，近日係幾個縣、都知事要求中央政府再發緊急令，未有回應；
－星野源同佢老友大谷亮平揸車去見結衣BB，係戴「超立體口罩」（或叫PITTA MASK）我理解靚就靚，但唔阻隔病毒飛沫既……
咁，套戲想追都係因為佢寫家庭關係寫得好貼切姐，開初講唔係將生仔交比未來媽媽，而係一齊經歷，點樣爭取產假，都相當反映世界應當如此。
全文: https://www.patreon.com/posts/45757829
Search